تسميات اغلاق التسميات

بالفيديو.. التليفزيون المصري يستضيف صاحبي «أيام سودة» و«أسيادنا راضيين عليك»


«أسيادنا ناس حبايبي وده سر».. نطقها سعيد بدير، الشهير بـ«أبوصدام»، الذي استضافه التليفزيون المصري في برنامج «على اسم مصر» بقناة «المصرية»، ومعه سيد حجاج، صاحب مقولة «أيام سودة».

وتداول عدد من مستخدمي مواقع التواصل الاجتماعي، مساء الأحد، فيديو لضيفي التليفزيون المصري، وأوضح «أبوصدام» أن مقولته «عليا الطلاق أسيادنا راضيين عليك»، التي اشتهر بها في أحد الأفراح الشعبية، التي أحياها الفنان أحمد شيبة، تسببت في زيادة نصيبه من «العزومات» لدى أصحاب الأفراح الأخرى

ويوضح «أبوصدام»: «كله بيكلمني حلو.. والعزايم زادت، وكله بقى يطلبني في الأفراح، وبقيت أقول جمل تانية هي (إحنا السد العالي) و(إعدام للجواسيس)، مابضايقش لما يقولوا إني مجنون أحمد شيبة».

وبسؤاله عن عمله، أجاب: «الشغل 100 مية وشغال عامل في مصنع والحمدلله»، مطالبًا بـ«شوية تغيير من البني آدمين، والناس لو خلصت لبعضها الدنيا هتبقى حلوة.. يعني الواحد يبقى نضيف من جوه».

في الحلقة نفسها، يقول «حجاج»، صاحب مقولة «أيام سودة»: «الناس تعبت وعاوزين البلد تمشي ونفسنا تمشي ومفيش حد حاسس بينا خالص»، لكنه يستدرك: «البلد فيها خير ومفيش حد بيحس بالناس الغلابة».

ويمضي «حجاج» موضحًا أن وظيفته «سمكري ومعايا رخصة أولى»، مستنكرًا أن «الشعب بيموت بعضه عشان منصب، والناس مش حاسة بينا»، مطالبًا وسائل الإعلام بـ«النزول على المستشفيات والناس التعبانة».

وقال «حجاج»: «نفسنا تحسوا بالناس البسيطة.. شغلونا واعملوا لنا مصانع بدل ما الشباب يقعد على القهوة هيبقى فيه بلطجية كتير»، مبديًا غضبه من أن «الإنسان (المصري) مابيتعاملش زي برة».

وأكمل: «عاوزين الحكومة تتعامل مع الناس باحترام.. أه في بلطجية لكن ماتاخدش الناس في قلب بعضها»، متمنيًا لمصر: «يا رب تبقى بيضة وتحلو»، مشيرًا إلى أنه لا يشارك في أي نشاط سياسي لأنه«لازما يبقى معايا شهادات، وأنا ماينفعش أمسك رئيس جمهورية»، لافتًا إلى أن سيرشح المشير عبدالفتاح السيسي، القائد العام للقوات المسلحة وزير الدفاع والإنتاج الحربي، حال خوضه سباق الانتخابات الرئاسية.

وقال «حجاج»: «ربنا يخليهولنا السيسي.. الراجل بيطلع يتكلم من غير ورقة وقلم، وبيتكلم من قلبه.. والشعب المصري كله وراه.. وهو اللي هيخليها حلوة زي جمال عبدالناصر.. والناس اللي ماسكة البلد ربنا يسترها عليها.. وإن شاء الله هتبقى أيام حلوة وبيضة على الشعب المصري».

جميع الحقوق محفوظة 2014-2015 تصميم اكرم تكويد احمد